സ്വര്‍ഗ്ഗ നൈര്‍മല്യം

ഹേമന്തം മഞ്ഞിന്‍ കുളിരണിയിച്ചോരു,
ബെത്ലഹേം കാലിതൊഴുത്തില്‍ .
നിത്യ വിശുദ്ധതന്‍ പുത്രനായ്‌ ജാതനായ്
വിശ്വ വിധാനത്തിന്‍ ശില്പി!
യേശു രക്ഷകനാകുന്ന സൃഷ്ടി. .

(ഹേമന്തം)

അത്യുന്നതങ്ങളില്‍ ദൈവമിഴി താര-
ലക്ഷപ്രകാശം പരത്തിനില്കെ,
ലക്‌ഷ്യമില്ലാതങ്ങലയും അജഗണം
രക്ഷകനെ കണ്ടുപുല്‍ തൊഴുത്തില്‍.

(ഹേമന്തം)

ത്രിത്വം പക്ര്‍ന്നോരാ സ്വര്‍ഗ്ഗ നൈര്‍മല്യ
വിശ്വം കുളിര്‍ക്കുന്ന പുഞ്ചിരിയെ
അല്പം പകര്‍ത്താം മനസ്സില്‍ ശിശുശാന്ത
ചിതതരായ് ദൈവിക ശാന്തി നേടാന്‍

(ഹേമന്തം)

"കാത്തിരിപ്പ്"

കാല്‍വരികുന്നിലെ മണ്ണില്‍ ,ദേവന്‍-
ത്യാഗം വരിച്ചൊരി മണ്ണില്‍
ഞാനും വരുന്നുമനംകൊണ്ടിന്നേകനായ്
നിന്‍ ത്യാഗരൂപം വണങ്ങാന്‍.

കണ്ണുകളീറനണിഞ്ഞു; നിന്‍ കണ്ണിന്‍-
ദൈന്യത എന്നില്‍ നിറഞ്ഞു,
അമ്മതന്‍ കണ്ണൂനീര്‍ ധാരയില്‍
കാരിരുമ്പാണിതന്‍ വേദന മാഞ്ഞോ?

പിതാവിന്റെ ആജ്ഞവഹിച്ചു
മര്‍ത്യ മോചന സത്യം പകര്‍ന്നു,
ഭാരം ചുമന്നു തളര്‍ന്നു നീ രക്തത്താല്‍
ഈ ലോക പാപം കഴുകി.

പാവനരൂപം ചമഞ്ഞ്,ചില
പാതകന്‍ "മാര്‍ "‍ വിലസുന്നു
സ്വാര്‍തഥത വാഴുന്നൊരമണ്ണിലേക്കുനീ
ശാന്തി പരത്താന്‍ വരില്ലെ?

നിന്‍ വരവും കാത്തിരിപ്പു,
കിഴക്കിന്റെ വാതിലും നോക്കി
അന്ത്യ വിധിനാളില്‍ നിന്‍പക്ഷം-
ചേര്‍ക്കുവാന്‍എത്രപേരുണ്ടായിരിക്കും ?
***********************************************

സൗപര്‍ണ്ണീക

അനു വി കടമ്മനിട്ട സംഗീതവും ആലാപനവും നിര്‍വ്വഹിച്ച ഗാനം

ഈ ഗാനം കേള്‍ക്കാന് ലിങ്ക്
http://www.devaragam.net/vbscript/WimpyPlayer.aspx?var=,Kavunarthu_Devi_Ninpriya.Mp3|

ദേവി നിന്‍ പ്രിയ സൗപര്‍ണ്ണീകയിലെ,
നീര്‍ മലരായെങ്കില്‍...
ചിഞ്ചില നാദം പൊഴിക്കുമാ നൂപുര,
ശിഞ്ചിതമായെങ്കില്‍,
ഞാനാ മന്ത്രണമായെങ്കില്‍..

ഈ ഘനശ്യാമമേഘത്തിനുള്ളീല്‍ മയങ്ങും..
നീമാറില്‍ചാര്‍ത്തുമാ മുത്താക്കി മാറ്റുമോ..
ഗനധര്‍വ്വതംബുരു പാടുന്നൊരാ സാമ-
സംഗീത ധാരയായ് എന്നെ നീമാറ്റുമോ
ആലംബമില്ലാതെ കേഴുമീ ഏഴതന്‍
സങ്കട ഗീതികള്‍ക്കൊന്നു കാതോര്‍ക്കുമൊ.?

അപ്സര ഗന്ധര്‍വ കന്യകള്‍ ലാസ്യമാടും
ചിന്താമണിമയ മന്ദിരം രാഗസാന്ദ്രം..
ആ രാഗ താള പ്രവാഗവേഗങ്ങളില്‍,
വീണടിയുന്നൊരു പൂവിതളാക്കുമൊ.
ഏറെ അലഞ്ഞുഞാനെത്തുന്ന നേരമാ-
പാദപത്മത്തിലേക്കെന്നെയും ചേര്‍ക്കുമൊ !

"കാവുണര്‍ത്ത്"

"കാവുണര്‍ത്ത്" ഓഢിയൊ ആല്‍ബത്തിനു വേണ്ടി എഴുതിയ ഗാനം
സംഗീതം & ആലാപനം. ജി. പ്രദീപ് കുമാര്‍ പന്തളം.

http://www.devaragam.net/vbscript/WimpyPlayer.aspx?var=,Kavunarthu_Sarade_Visarade.Mp3| ഈ ലിങ്കില്‍ പാട്ടു കേള്‍ക്കു !!!

ശാരദെ വിശാരദെ വിശുദ്ധിചക്രവാസിനി
നിരഞനെ നിരുപമെ നിരന്തരായെ മംഗളെ,
നിദാന്ത ശാന്ത ശുഭ്രത നിറഞ്ഞൊരാതിരുവുടല്‍
ഉദിച്ചിടേണമെന്മനതമസ്സിലെ വെളിച്ചമായ്.

പ്രകാശമണ്ഡലത്തിനുള്ളില്‍ വാണിടും ശിവംകരി
പ്രണവമന്ത്രരൂപിണീ,പ്രപഞ്ച ജീവദായിനി
സര്‍വ്വ മന്ത്രതന്ത്രയന്ത്ര വാസിനി സുഹാസിനി,
ഹനിക്കുകെന്നിലൂറിടുന്ന ദാരികന്റെ ദുര്‍മദം

മൂഡനായ കാളിദാസനക്ഷരം പകര്‍ന്നു നീ
ശ്രീ ശങ്കരനദ്വൈതബോധ ദര്‍ശനം കൊടുത്തുനീ
പകരുകെന്റെ നാവിലും പാദാരവിന്ദ തീര്‍ഥവും
തുണക്കണം ത്രിവര്‍ഗ്ഗദാത്രി നിന്‍പദം പണിയുവാന്‍.