കാല്‍വരികുന്നിലെ മണ്ണില്‍ ,ദേവന്‍-
ത്യാഗം വരിച്ചൊരി മണ്ണില്‍
ഞാനും വരുന്നുമനംകൊണ്ടിന്നേകനായ്
നിന്‍ ത്യാഗരൂപം വണങ്ങാന്‍.
കണ്ണുകളീറനണിഞ്ഞു; നിന്‍ കണ്ണിന്‍-
ദൈന്യത എന്നില്‍ നിറഞ്ഞു,
അമ്മതന്‍ കണ്ണൂനീര്‍ ധാരയില്‍
കാരിരുമ്പാണിതന്‍ വേദന മാഞ്ഞോ?
പിതാവിന്റെ ആജ്ഞവഹിച്ചു
മര്‍ത്യ മോചന സത്യം പകര്‍ന്നു,
ഭാരം ചുമന്നു തളര്‍ന്നു നീ രക്തത്താല്‍
ഈ ലോക പാപം കഴുകി.
പാവനരൂപം ചമഞ്ഞ്,ചില
പാതകന്‍ "മാര്‍ " വിലസുന്നു
സ്വാര്‍തഥത വാഴുന്നൊരമണ്ണിലേക്കുനീ
ശാന്തി പരത്താന്‍ വരില്ലെ?
നിന്‍ വരവും കാത്തിരിപ്പു,
കിഴക്കിന്റെ വാതിലും നോക്കി
അന്ത്യ വിധിനാളില്‍ നിന്‍പക്ഷം-
ചേര്‍ക്കുവാന്‍എത്രപേരുണ്ടായിരിക്കും ?
***********************************************
No comments:
Post a Comment
അഭിപ്രായിക്കു