രചന - മനു മോഹനൻ
സംഗീതം - ഉണ്ണികൃഷ്ണൻ
ആലാപനം - അതുൽ
ഉള്ളുതുറനൊന്നുവിളിച്ചാൽ
എന്റെ മുള്ളികുളങ്ങര അമ്മയെത്തും
ഉള്ളിലുള്ള നോവകറ്റും
പൂർണ്ണ ചന്ദ്രനിലാ കുളിർപകരും
കളഭചാർത്തണിയും നിൻ
തിരുരൂപം കണ്ടുതൊഴാൻ
ഉഷസ്ന്ധ്യകൾ കാത്തുനിൽക്കും.
മകരത്തിൽ മഞ്ഞാട ചാർത്തുമാ പാടങ്ങൾ
അമ്മക്ക്‌ കതിരൊരുക്കും
പറപൊലിക്കും നാടിൻ അഴലൊഴിക്കും അമ്മ
തണ്ടിന്മേൽ ഓടിയെത്തും.
ചെട്ടികുളങ്ങരവാഴും ഇഷ്ടസഹോദരിയൊപ്പം
അൻപൊലിയിൽ കൂടിതുള്ളും
രചന - മനു മോഹനൻ
ആലാപനം - രോഷ്ണി രജി
സംഗീതം - അതുൽ
പൂവുള്ള ശ്രീപുത്തൻ കാവിൽ കുടികൊള്ളും
ആനന്ദചിന്മയി നീയെ...
പൂവുള്ള പൂക്കൈതക്കാവിൽ കുടികൊള്ളും
ആനന്ദ ഭൈരവി നീയെ.
പൂവായ്‌വിരിഞ്ഞതും നീയെ
പൂമണം നീയെ...
കാറ്റായ്‌ തൊടുന്നതും നീയെ...
ജീവിതതണ്ടിൽ ഉലഞ്ഞാടിതുള്ളുന്ന
ബ്രഹ്മാണ്ഡ നർത്തകി നീയെ..
കാലമായ്‌ കാവ്യമായ്‌ കാരുണ്യമായ്‌
ജീവതാളമായ്‌ തീർന്നതും നീയെ
ഞാൻപാടും പാട്ടായി നീയെ
ഞാൻപാടും പാട്ടിലും നീയെ..
വിശ്വസൗന്ദര്യത്തിൻ ചിത്രംചമച്ചതിൽ
പച്ചമുഖമായി നീയെ....
ആറുകടന്നു വിടരുന്ന താമര പൂവി-
ന്നമൃതത്തേൻ നീയെ.
ഞാനായിതീർന്നതും നീയെ
നീയായി തീർന്നതും ഞാനേ..
രചന & സംഗീതം - മനു മോഹനൻ
ആലാപനം - സന്തോഷ്‌ കൈലാസ്‌
നീല നീല കണ്ണനുണ്ണി നീലമയിൽ പീലിചൂടി
ചാരെവന്നൊരോടക്കുഴൽ പാട്ടുമൂളാമോ..?
പാട്ടുപാടാമോകണ്ണാ ; പൂവിറുക്കാമോ
പൂക്കടമ്പിൻ പൂകൊരുത്തൊരുമാലതരാം ഞാൻ
ഉണ്ണിയില്ലാതുള്ളുനീറുംഭക്തനാംകവിക്കുള്ളി-
ലുണ്ണിയായ്‌ കളിക്കുമുണ്ണിക്കണ്ണനല്ലെ നീ
ഒന്നു വന്നെൻ ഹൃത്തടത്തിൽ നൃത്തമാടുനീ, കണ്ണാ കൽമഷങ്ങൾ തീർന്നുജന്മകാളിന്ദിയൊഴുകാൻ
ചേലകട്ടാ പൂകടമ്പിൽ നീയൊളിച്ചാലും കണ്ണാ;കായാമ്പൂവിൽ നീലവർണ്ണമായലിഞ്ഞാലും,
എന്നിലുണ്ടു നീപകർന്നൊരിന്ദ്ര നീലിമ; കണ്ണാ, കണ്ണിലുള്ളിൽ പീലിക്കണ്ണായ്‌ നീയിരിക്കുന്നു.
കഞ്ജദലലോചനനേ കാർമ്മുകിൽ വർണ്ണാ നിന്റെ-
കാലിണഞ്ഞാനിതാ നിത്യം കൈവണങ്ങുന്നെ
കാലികളെ മേയ്ച്ചവനെ ബാലഗോപാലാ നിന്റെ -
കാലിണഞ്ഞാനിതാനിത്യം കൈവണങ്ങുന്നെ.
