രചന - മനു മോഹനൻ
ആലാപനം - രോഷ്ണി രജി
സംഗീതം - അതുൽ
പൂവുള്ള ശ്രീപുത്തൻ കാവിൽ കുടികൊള്ളും
ആനന്ദചിന്മയി നീയെ...
പൂവുള്ള പൂക്കൈതക്കാവിൽ കുടികൊള്ളും
ആനന്ദ ഭൈരവി നീയെ.
പൂവായ്വിരിഞ്ഞതും നീയെ
പൂമണം നീയെ...
കാറ്റായ് തൊടുന്നതും നീയെ...
ജീവിതതണ്ടിൽ ഉലഞ്ഞാടിതുള്ളുന്ന
ബ്രഹ്മാണ്ഡ നർത്തകി നീയെ..
കാലമായ് കാവ്യമായ് കാരുണ്യമായ്
ജീവതാളമായ് തീർന്നതും നീയെ
ഞാൻപാടും പാട്ടായി നീയെ
ഞാൻപാടും പാട്ടിലും നീയെ..
വിശ്വസൗന്ദര്യത്തിൻ ചിത്രംചമച്ചതിൽ
പച്ചമുഖമായി നീയെ....
ആറുകടന്നു വിടരുന്ന താമര പൂവി-
ന്നമൃതത്തേൻ നീയെ.
ഞാനായിതീർന്നതും നീയെ
നീയായി തീർന്നതും ഞാനേ..
No comments:
Post a Comment
അഭിപ്രായിക്കു